九合一和四合一的全面保護?

发布时间：2018-09-10 11:22:21

九合一全面保護:
市面上新出的九合一疫苗比四合一多咗五種可預防嘅HPV品種, 所以接受左九合一嘅病人中, 能預防到子宮頸癌的機會會比打咗四合一嘅為多

據醫生指出,的而且確有好多已經注射四合一嘅病人, 依然會感染到新嘅HPV病毒, 而其中的品種係可以由九合一所預防到,不過如果你認為婚姻關係,或伴侶關係非常穩定, 打過舊有嘅疫苗之後, 又並沒有感染其他hpv品種,之前的子宮頸抹片檢查完全正常, 又或者相信自己都唔會再有任何性行為, 相信唔再打新嘅九合一疫苗, 保護都經已足夠.

不過,如果病人依然年輕, 未婚, 更改伴侶嘅機會多, 有多過一個性伴侶, 以及性生活相當活躍, 又或者之前打過四合一疫苗之後重複有其他新嘅感染, 又或者純粹想增加對子宮頸癌嘅預防, 就最好重新注射全個九合一嘅療程啦！ 另外呢種疫苗係男女都適合注射嘅, 無論係擁有同性或者異性伴侶嘅人士, 其實都要正視感染HPV嘅風險。大部分人都只覺得女性打完就有保護,但其實最全面的就是身邊的伴侶都一起接種,才是最佳的保護方式。